Урок па беларускай литаратуры ў 5-м класе




Дата канвертавання27.06.2016
Памер27.51 Kb.
Урок

па беларускай литаратуры ў 5-м класе

Мэта: прааналізаваць казку Андрэя Федарэнкі “Падслуханая казка”; акрэсліць адрозненні літаратурнай казкі ад народнай (ярка выяўленая аўтарская пазіцыя, індывідуалізацыя характарыстыкі персанажаў, наяўнасць мастацкіх апісанняў прыроды, часу і месца дзеяння, знешнасці герояў і інш., адсутнасць зачыну і канцоўкі і г.д.); развіваць творчае мысленне; выхоўваць любоў да прыроды і пачуццё патрыятызму.
Абсталяванне: табліцы з перакладам некаторых слоў, маргарытка, зробленая з паперы, на пялёстках кветкі запісаны пытанні для аналізу казкі, выявы кветак.
Ход урока
I. Арганізацыйны момант

II. Паведамленне тэмы, мэты

III. Праверка дамашняга задання

1. Чытанне твора.

- Звярніце ўвагу, што на партах у вас ляжаць аркушы з перакладам слоў. Пры чытанні тэксту вы можаце звяртацца да іх.



2. Лексічная работа.

- Якія словы з твора вы яшчэ не зразумелі?



3. Аналіз казкі (пытанні змешчаны на пялёстках маргарыткі).

1)Простыя пытанні, звязаныя з узнаўленнем тэксту:

- З якой цяжкасцю сутыкнулася галоўная гераіня казкі пры выкананні дамашняга задання?

- Апішыце поплаў, які прысніўся Марыйцы.

-Пра якія краіны расказваюць маргарыткі на поплаве, што прысніўся Марыйцы?

- Як перакладаецца слова “маргарытка” з грэчаскай мовы?

- Як яшчэ на Беларусі называюць маргарытку?

2)Складанае пытанне, звязанае з выкарыстаннем тэарэтычных звестак:

- Чым адрозніваецца казка Андрэя Федарэнкі ад народных?

(Аўтар, структура, героі).

3)Агульныя пытанні, якія патрабуюць актыўнасці вучняў:

- Якія кветкі, акрамя маргарытак, узгадваюцца ў творы?
Фізкультхвілінка

- У казцы сустракаецца шмат назваў кветак. Вы ведаеце, як яны выглядзяць? Я буду паказваць некаторыя з іх, а вы, каб лепш гэтыя кветкі запомніць, будзеце ў іх ператварацца. Але будзьце ўважлівыя, таму што вам неабходна ператварацца толькі ў тыя кветкі, якія сустракаюцца ў казцы.



Дзьмухавец рамонак

ружа валошка

званочак кактус

цюльпан

4)Пошукавыя пытанні, адказ на якія даецца на аснове тэксту:

- Што вы павінны зрабіць з маргарыткай, якую вам падораць у Германіі?

- Што трэба зрабіць, калі ў Англіі вы наступіце на дванаццаць маргарытак?

5)Праблемнае пытанне, якое прымушае задумацца:

- Чаму маргарытку на Беларусі называюць стакроткай?

6)Творчае пытанне, звязанае з развіццём творчага мыслення:

- У многіх краінах маргарытка была ў цэнтры ўвагі: людзі звярталіся да яе за дапамогай, верылі ў яе цудадзейную сілу. А на Беларусі маргарытка з’яўлялася непрыкметнай кветкай. Яна толькі збоку назірала за няпростым жыццём людзей і нічым не магла ім дапамагчы, таму што ў яе магчымасці ніхто не верыў. Таму ў беларусаў не існуе ніякіх легенд і павер’яў, звязаных з маргарыткай. Давайце паспрабуем прыдумаць іх.

Што будзе, калі:


  • пасадзіць маргарыткі каля пад’езда …

  • прыгатаваць салату з маргарытак …

  • прысняцца маргарыткі …

  • прабегчы басанож на полі з маргарыткамі …


IV. Абагульненне

- Вам спадабаўся твор Андрэя Федарэнкі “Падслуханая казка”?

- Што асабліва запомнілася з казкі?

- Як вы думаеце, маргарытку з якой краіны намалюе Марыйка і чаму?


V. Падвядзенне вынікаў і выстаўленне адзнак

VI. Рэфлексія

- Складзіце сінквейн:

1. Маргарытка.

2. Два прыметнікі.

3. Тры дзеясловы.

4. Адзін сказ (вашы адносіны).



5. Адно слова-асацыяцыя.
VII. Дамашняе заданне

Прачытаць казкі Уладзіміра Караткевіча “Чортаў скарб”, “Кацёл з каменьчыкамі”. Намаляваць, якімі вы ўяўляеце галоўных герояў. Для лепшага асэнсавання тэкстаў прапануецца пераклад некаторых слоў, што могуць, на думку настаўніка, быць незразумелымі вучням.


База данных защищена авторским правом ©shkola.of.by 2016
звярнуцца да адміністрацыі

    Галоўная старонка