Тэма урока: Лікавыя выразы з трыма дзеяннямі – складаннем, адніманнем і множаннем. Навучальная мэта




Дата канвертавання17.03.2016
Памер82.05 Kb.
Тэма урока:Лікавыя выразы з трыма дзеяннямі – складаннем, адніманнем і множаннем.

Навучальная мэта:

  • замацаванне навыкаў складання, аднімання і множання дзесятковых дробаў;

  • пашырэнне ведаў аб сваім гарадскім пасёлку.

Задачы асобаснага развіцця:

  • стварыць сітуацыі, якія садзейнічаюць развіццю даследчых навыкаў навучэнцаў праз рашэнне прыкладаў і задач;

  • садзейнічаць выхаванню індывідуальнай, парнай і калектыўнай культуры вучэбнай дзейнасці (уменне слухаць, уважліва адносіцца адзін да аднаго, працаваць у групах);

  • стымуляваць станоўчыя адносіны да ўрокаў матэматыкі, праз…

Тып урока: замацаванне ведаў

Віды дзейнасці настаўніка: дае матэрыял для даследавання, арганізоўвае работу, вызначае прабелы ў ведах вучняў, кансультуе, карэкціруе, каардынуе дзейнасць вучняў.

Віды дзейнасці вучняў: выконваюць практыкаванні, аналізуюць матэрыял, працуюць індывідуальна,у парах, у групах.

Формы дзейнасці вучняў: індывідуальная, парная, франтальная, групавая.

Абсталяванне: тэст, раздатачны матэрыял для арганізацыі работы на ўроку, мультымедыа-праектар, прэзентацыя.

I этап урока: арыенціровачна- матывацыйны (працягласць 10 хвілін)

Агранізацыйны (1 хвіліна)

Чакаемы вынік: добразычлівая настроенасць настаўніка і вучняў на супрацоўніцтва.

Задачы настаўніка: псіхалагічна падрыхтаваць вучняў да зносін на ўроку.

Настаўнік. Вось ізноў звінеў званок,

Запрасіў нас на ўрок.

Добры дзень, я вас вітаю,

Да заняткаў запрашаю.

Наш урок хай будзе плённым,

І цікавым, і натхнёным.

Поспехаў я вам жадаю,

Калі што – я паспрыяю.

Рабяты, паслухайце, якая цішыня! Гэта ў школе пачаліся ўрокі. Мы з вамі не будзем траціць час дарам і прыступім да работы.


Матывацыя(4 хвіліны)

Чакаемы вынік: пазнавальная падрыхтаванасць вучняў да працы на ўроку, наяўнасць у іх матывацыі.

Задачы настаўніка: забяспечыць цікавасць вучняў да будучай працы.
Вуснае лічэнне. На экране заданні (слайд 1-3).

Пасля выканання заданняў на экране з’яўляецца расшыфроўка адказаў і табліца, у якую ўносяцца адпаведныя літары. У выніку атрымаецца слова РАДЗІМА (слайды 4-5).




7

7,2

2,4

2,5

11

0,0302

7,2

Р

А

Д

З

І

М

А




  1. Вылічыць

2,5 + 0,5

* 1,5


- 2,1

_____________

2,4


  1. Рашыць ураўненне

а) y + 3,8 = 6,3(2,5)

б) 15,6 – х = 8,4 (7,2)



  1. Знайсці плошчу і перыметр прамавугольніка, калі

3,5м








а) S - ? (7)

б) P - ? (11)



  1. Укажыце найбольшы з лікаў

0,0032 0,0039 0,0302 0,0099
Настаўнік. Рабяты, адкажыце калі ласка, мне на пытанне:

  • Што такое для вас РАДЗІМА?

Дзеці. Радзіма- гэта наша Беларусь.

Радзіма - гэта месца, дзе ты нарадзіўся.

Радзіма – гэта мой пасёлак, дзе жывуць мае тата і мама, мае сябры.

Радзіма- гэта самы дарагі і родны куточак.



Настаўнік. Дзякуй, за адказы. Я нездарма завяла размову пра Радзіму. Сёння на ўроку мы працягнем працу над тэмай “Лікавыя выразы з трыма дзеяннямі – складаннем, адніманнем і множаннем”. Усе заданні на ўроку будуць звязаны з нашым гарадскім пасёлкам Поразава, нашай “маленькай” радзімай, з яго мінулым і сучасным.(Слайд 6)
Сумеснае мэтавызначэнне (3 хвіліны)

Чакаемы вынік: вызначэнне мэты ўрока.

Задачы настаўніка: забяспечыць далучэнне вучняў да сумеснай дзейнасці па вызначэнні мэты ўрока.
- Прадоўжыце сказ “Мая работа на ўроку дапаможа мне…”

Актуалізацыя пройдзенага матэрыялу(2 хвіліны)

Чакаемы вынік: актуалізацыя апорных ведаў вучняў, падрыхтоўка да працы на асноўным этапе урока.

Задачы настаўніка: арганізаваць разуменне вучнямі ўзроўню валодання матэрыялам па тэме.

Дзейнасць вучняў: кожны вучань выконвае тэст, параўноўвае адказы з эталонам.

Дзейнасць настаўніка: прапаноўвае выканаць уводны тэст, параўнаць адказы з эталонам, адказаць на пытанне “Для чаго партэбна ведаць тэарэтычны матэрыял па тэме?”.

Уводны тэст

1. Закон множання:

ад перамены месц множнікаў здабытак не змяняецца.

2. Знак, які аддзяляе цэлую частку ад дробавай.

3. Дзеянне, пры якім у адказе аддзяляюць столькі знакаў, колькі іх у абодвух дробах, з якімі выконваецца гэта дзеянне.

4. Каб памножыць дзесятковы дроб на 10; 100; 1000 і г.д., трэба ў гэтым дробе перанесці коску на адзін, два, тры і г.д. знакі.

5. Каб памножыць дзесятковы дроб на 0,1; 0,01; 0,001 і г.д., трэба ў гэтым дробе перанесці коску на адзін, два, тры і г.д. знакі.

6. Дзеянні, у якіх дзесятковыя дробы трэба запісваць так, каб была коска пад коскай.


Адказы (слайд 7):

  1. Перамяшчальны.

  2. Коска.

  3. Множанне.

  4. Управа.

  5. Улева.

  6. Складанне, адніманне.



II этап урока: аперацыйна-пазнавальны (25 хвілін)

Паглыбленне ведаў:

Чакаемы вынік: прымяненне вучнямі атрыманых ведаў у розных сітуацыях.

Задачы настаўніка: стварыць умовы для прымянення вучнямі ведаў у розных сітуацыях, стымуляваць іх да творчай актыўнасці.
Настаўнік. Рабяты, а ці ведаеце вы ў якім годзе заснавана наша Поразава?

Адказы вучняў.


Настаўнік. Зараз я прапаную вам знайсці значэнне выразу і вы даведаецеся, у якім годзе заснавалі наш гарадскі пасёлак Поразава.
Дзеянні выконваюць розныя вучні.
Франтальная работа (слайд 8)

1217,5 + (264,7 – 14,8 ·1,5) =1460


1) 14,8* 1,5 = 22,2

2) 264,7 – 22,2 = 242,5

3) 1217,5 + 242,5 = 1460.
Настаўнік. Так, наша Поразава ўтварыласяў 1460 годзе. У 2010 годзе мы адзначалі 550–годдзе нашага пасёлка.

За свае 550 гадоў наш пасёлак паступова змяняўся, з’яўляліся новыя будынкі і вуліцы. Вы заўважылі, які стаў наш пасёлак зараз? Якія чыстыя і прыгожыя вуліцы? А ці ведаеце вы колькі ў Поразава вуліц, завулкаў?

Я прапаную вам выканаць заданні і даведацца аб гэтым.
Работа ў парах


  1. Рашыце ўраўненне і вы даведаецеся, колькі завулкаў налічвае наш пасёлак (для вучняў з сярэднім узроўнем ведаў)

х: 0,035=200

х=0,035·200

х=7

Адказ: у Поразава 7 завулкаў




  1. Рашыце ўраўненне і вы даведаецеся, колькі вуліц у нашым гарадскім пасёлку (для вучняў, у якіх дастатковы ўзровень ведаў)

у : 5 + 67,1 = 70,3

у : 5 = 70,3 – 67,1

у: 5 = 3,2

у = 3,2*5

у = 16


Адказ: У Поразава 16 вуліц.


  1. Рашыце задачу (для вучняў з высокім узроўнем ведаў):

Калі лік 12,8 павялічыць у 1,25 раза, то атрымаецца колькасць вуліц нашага гарадскога пасёлка, а колькасць завулкаў вы даведаецеся, калі лік 12,8 паменшыце на 5,8. Знайдзіце колькі разам вуліц і завулкаў у нашым пасёлку? (Слайд 9)
Настаўнік. Здаўна славіцца наш пасёлак сваім рамяством. А каб даведацца якім, вам прапануецца рашыць 8 прыкладаў (слайд 10) і, выкарыстоўваючы расшыфроўку, унесці адказы ў табліцу.
ГАНЧАРСТВА

Г

А

Н

Ч

А

Р

С

Т

В

А

22,47

20

7,8

3,93

20

33,82

16,82

9,38

54,8

20

(Слайды 11-12)
Работа ў групах

Фарміруюцца групы па 4 вучні, у якіх розны ўзровень ведаў.

1.6,3*7 – 10,28 = 33,82

2. 0,7*32 + 2,07= 22,47

3. 4*4,38 – 9,72= 7,8

4. 11,56 + 2,36*2= 16,82

5. (4,8 + 2,6)*4 – 9,6 = 20

6. 36*0,17 – 2,19= 3,93

7. 0,271*30 + 1,25= 9,38

8. 0,9*37 + 4,3*5= 54,8
Фізкультхвілінка (2 хвіліны)

Чакаемы вынік: эмацыянальная разрадка вучняў.

Задачы настаўніка: стварыць умовы для зняцця эмацыянальнага напружання вучняў, стомленасці.
ІІІ этап урока: кантрольна-карэкцыйны (7 хвілін)

Чакаемы вынік: Выкананне самастойнай работы, з дапамогай якой правяраецца засваенне вучнямі мэты ўрока, выпраўленне памылак, асэнсаванне вучнямі асабістага ўзроўню засваення і вынікаў выканання задач.

Задачы настаўніка: ажыццявіць кантроль і карэкцыю, арганізаваць самакантроль і самаацэнку вучнямі ўзроўню паспяховасці сваёй дзейнасці.
САМАСТОЙНАЯ РАБОТА


  1. Варыянт

1. Значэнне выразу 0,03·(29,54+70,46) роўна:

А)3; б) 0,3; в) 30; г) 300.

2. Вылічыце:

1) (18,6+ 24,3)·0,32; 2)23,8·0,7+1,45·0,04.

3. Рашыце ўраўненне:

(19 - а):0,7 =8,26.


2 Варыянт

1. Значэнне выразу 0,28·(1,9+8,1) роўна:

А)2,8; б) 28; в) 0,028; г) 280.

2. Вылічыце:

1) (17,5+ 13,2)·0,21; 2) 12,7·0,6+9,34·0,08.

3. Рашыце ўраўненне:

(31 - а):0,9 =216,4.

Правільныя адказы на слайдзе 13.


ІV этап урока: рэфлексіўны (3 хвіліны)
Паведамленне дамашняга задання (1 хвіліна)

Чакаемы вынік: свядомае выкананне дамашняга задання.

Задачы настаўніка: забяспечыць разуменне вучнямі спосабу, зместу выканання дамашняга задання.

1. № 3.119 (1,2)

2.Скласці прыклады па тэме «Жывёлы нашага краю» (выкарыстоўваць задачы з дзесятковымі дробамі) (Слайд 14)
Рэфлексія (2 хвіліны)

Чакаемы вынік: самаацэнка, асэнсаванне значнасці вучэбнай дзейнасці і сітуацыі поспеху.

Задачы настаўніка: стварыць умовы для самаацэнкі вучнямі сваёй дзейнасці па дасягненні мэты ўрока.
Прынцып «Мікрафон» (вучні па чарзе даюць абгрунтаваны адказ на адно з пытанняў).

  • На уроку я працаваў… актыўна / пасіўна

  • Сваёй працай на ўроку я… задаволены / не задаволены

  • Урок для мяне быў… кароткім / доўгім

  • За урок я… не стаміўся / стаміўся

  • Мой настрой… стаў лепшы / стаў горшы

  • Матэрыял урока для мне быў… карысным / некарысным

цікавым / нецікавым

  • Дамашняе заданне мне здаецца… легкім / цяжкім

цікавым / нецікавым


База данных защищена авторским правом ©shkola.of.by 2016
звярнуцца да адміністрацыі

    Галоўная старонка