Сузор’е талентаў Міхась Кавалёў "Лявоніха на арбіце"




Дата канвертавання07.05.2016
Памер21.81 Kb.
Сузор’е талентаў

Міхась Кавалёў

"Лявоніха на арбіце"

Цэлае сузор'е таленавітых беларускіх акцёраў іграла ў знакамітай камедыі Андрэя Макаёнка "Лявоніха на арбіце". Прэм’ера спектакля адбылася ў красавіку 1961 года ў Беларускім акадэмічным тэатры імя Янкі Купалы.

Ролю Лушкі, жонкі Лявона, іграла тады Макарава, Лявона - народны артыст СССР Б. В. Платонаў, які быў у той час мастацкім кіраўніком тэатра. Галоўным рэжысёрам тэатра з'яўляўся В. У. Броўкін.

Акцёр З. Ф. Стома ў той час быў заслужаным артыстам БССР і таксама іграў ролю Лявона ў пастаноўках гэтай п'есы. Ролю Тоні, дачкі Лявона, ігралі акцёры З. П. Зубрава і Л. М. Давідовіч, Міхаіла, яе жаніха акцёры В. П. Тарасаў, А. Н. Казачок, ролю Максіма, бацькі Міхаіла - народны артыст СССР Г. П. Глебаў і заслужаны артыст СССР А. А. Бараноўскі.

Народны артыст БССР У. І.Дзядзюшка і артыст С. Ф. Хацкевіч стварылі на сцэне вобраз старшыні калгаса Буйневіча.

Л. Добржанская в роли Левонихи


"Пагарэльцы"

Жанр гэтай п'есы пазначаны драматургам як пралог і эпілог адной прыватнай трагікамічнай гісторыі. Тым не менш, гэты таленавіты твор надзённы і сёння, бо жывучыя яшчэ заганы і хібы людзей і грамадства, што выкрывае і высмейвае сатырык, бо жывучая "ухватаўшчына".

Спектакль быў пастаўлены галоўным рэжысёрам Нацыянальнага акадэмічнага тэатра Беларусі заслужаным дзеячам мастацтваў БССР Валерыем Мікалаевічам Раеўскім.

Ролю галоўнай дзеючай асобы спектакля Ухватава Хведара Паўлавіча ігралі заслужаны артыст БССР П. Дубашынскі, народны артыст БССР, лаўрэат Дзяржаўнай прэміі БССР В. Тарасаў, яго жонкі Раі - народная артыстка БССР, лаўрэат Дзяржаўнай прэміі БССР Л. Давідовіч, артыстка Н.Качаткова.

Вобраз Бусько Антона Сцяпанавіча выдатна стварылі народны артыст БССР Г. Аўсянікаў і заслужаны артыст БССР Б.Уладамірскі. У ролі Клёпкіна Сілана Данілавіча ўдала выступалі заслужаны артыст БССР, лаўрэат Дзяржаўнай прэміі БССР Г. Гарбук і заслужаны артыст БССР У. Кудрэвіч. У ролях Кудасава былі заняты заслужаны артыст БССР П. Кармунін і артыст Г. Маляўскі, Гарыка - артысты А. Мароз і А. Памазан, Стэлы - Г.Федарава, Наталлі Мікалаеўны - народная артыстка БССР М.Захарэвіч і народная артыстка БССР С. Станюта, Алёшы - артысты Ф. Варанецкі і А. Падабед.

Рэжысёр спектакля - Галіна Уладамірская, мастак - заслужаны дзеяч мастацтваў БССР Барыс Герлаван, кампазітар - Алег Янчанка.


Сцена из спектакля “Погорельцы”


У беларускай п’есе
На пасяджэнні мастацкага савета Міністэрства культуры Украінскай ССР і прэзідыума рэспубліканскага тэатральнага таварыства падведзены вынікі агляду лепшых спектакляў драматычных, музычна-драматычных тэатраў і тэатраў юнага гледача, пастаўленых у 1973 г. Ганаровымі дыпломамі і прэміямі адзначаны работы калектываў над творамі сучаснай драматургіі. За ўзорнае выкананне ролей узнагароджаны лепшыя выканаўцы. Сярод іх – народны артыст СССР А. Сярдзюк, акцёр Харкаўскага ўкраінскага драматычнага тэатра імя Т. Шаўчэнкі. Ён стварыў адметны і маштабны вобраз старшыні калгаса Уладзіміра Каравая ў спектаклі “Таблетку пад язык”, камедыі-рэпартажу беларускага драматурга А. Макаёнка (рэжысёр П. Маразенка).


База данных защищена авторским правом ©shkola.of.by 2016
звярнуцца да адміністрацыі

    Галоўная старонка