Канспекты дапаможных матэрыялаў




старонка11/19
Дата канвертавання17.03.2016
Памер0.98 Mb.
1   ...   7   8   9   10   11   12   13   14   ...   19

Ход заняткаў



Малітва: О, праслаўляйце Яго,

усе народы!

З пашанай песні

Яму спявайце!

Бо Яго ласка

заўсёды з намі,

а Яго міласць

на вякі.


О, аллелюя, аллелюя!
Чалавек пытае:
К. паказвае вучням на карце Палестыны Галілею, месца, дзе навучаў Езус. Затым пакзвае фотаздымкі, якія адлюстроўваюць палестынскія землі. Вучні самі ўбачаць, што Галілея – гэта гарыстая мясцоваць, у далінах якой людзі займаліся земляробствам. Затым К. паказвае вучням фотаздымак сейбіта – чалавека, які кідае на апрацаваную глебу зерне.

Сёння рэдка дзе можна ўбачыць на полі сейбіта, цяпер гэтую працу выконваюць машыны. Але людзі, да якіх прамаўляў у Галілеі Езус, добра ведалі гэтую працу. А зараз даведаемся, на колькі добра ведаем яе мы.


К. паказвае вучням каласкі з зернем і пытаецца:
- Што трэба зрабіць, каб вырасціць вось такія каласкі? (падрыхтаваць глебу)

- А што будзе з зернем, калі глеба будзе дрэнна падрыхтаваная? (не дасць плёну, не збярэш ураджай)

- Што яшчэ неабходна для таго, каб зерне выдала багаты плён? (спрыяльныя ўмовы: дастаткова вільгаці і цяпла)

- Што чалавек атрымоўвае з зерня? (хлеб)

- Якую функцыю ў жыцці чалавека выконвае хлеб? (насычае, беражэ ад голаду)
Менавіта вобраз сейбіта Езус выкарыстаў для сваёй наступнай прыпавесці.
Бог адказвае:

(адзін з вучняў чытае тэкст)


«Слухайце. Вось выйшаў сейбіт сеяць. І калі сеяў, сталася так, што адно зерне ўпала ўскрай дарогі, і прыляцелі птушкі, і падзяўблі яго. Іншае ўпала на камяністую глебу, дзе было мала зямлі, і адразу прарасло, бо зямля была неглыбокая. А калі ўзышло сонца, завяла, бо не мела карэння, і засохла. Іншае ўпала паміж цёрну, і вырас цёрн,
і заглушы
ў яго, так што не дало плоду. Іншае ўпала на
добрую
глебу і прынесла плён, які ўзыйшоў і вырас.
І адно ўрадзіла ў трыццаць, другое ў шэсцьдзесят, а іншае ў сто разоў.
І сказаў: Хто мае вушы, каб слухаць, няхай слухае. Сейбіт сее слова. Пасеянае пры дарозе — гэта тыя, у якіх сеецца слова, але як толькі пачуюць яго, адразу прыходзіць сатана і забірае слова, пасеянае ў іх. Пасеянае на камяністай глебе — гэта тыя, хто, як толькі пачуе
слова, адразу з радасцю прымае яго, але не мае
ў сабе кораня і нясталы. Потым, калі настане ўціск
і пераслед за слова, адразу спакушаюцца. Іншае сеянае ў цернях, — гэта тыя, хто чуе слова, але турботы свету, зман багацця ды іншыя жаданні ўваходзяць у іх і заглушаюць слова, і яно становіцца
бясплодным. А пасеянае на добрай глебе — гэта тыя, хто слухае
слова, прымае яго і прыносіць плён: адзін
у трыццаць, другі ў шэсцьдзесят, а іншы ў сто разоў»
(Мк 4, 3–9. 14–20).
К. малюе на дошцы 3 прамавугольнікі. Вучні яшчэ раз чытаюць тэкст самастойна, а затым адказваюць на пытанні:
— Каго сімвалізуе сейбіт з прыпавесці?

— Што значыць зерне?

— Што ў прыпавесці значыць глеба?
Свае адказы вучні запісваюць на дошцы:

Сейбіт:

Езус Хрыстус

Зерне:

Божае слова

Глеба:

Чалавек

- Якога чалавека сімвалізуе дарога?

- Якога чалавека сімвалізуе камень?

- Якога чалавека сімвалізуе цёрн?

- Якога чалавека сімвалізуе добрая глеба?
Чалавек адказвае Богу:
К. дзеліць вучняў на 4 групы. Вучні павінны прыдумаць і паказаць кароткую сцэнку, якая адлюструе людзей, якіх Езус называе дарогаю, камнем, цернем, добрай глебай.
1 Група – дарога

2 Група – камень

3 Група – цёрн

4 Група – добрая глеба


Прэзентацыя працы вучняў.



  • Чаму Езус хоча навучыць нас у гэтай прыпавесці? (адказы вучняў)

Езус заклікае кожнага з нас быць «добрай глебай», на якой Божае слова дасць багаты плён. Ён засцерагае нас ад павярхоўнага чытання Божага слова, без разважання, без прымання яго ў сваё жыццё. Ёсць людзі, якіх Божае слова захапляе, але ў гэтым энтузіязме няма трываласці, таму, калі прыходзяць спакусы, чалавек з лёгкасцю адкідае Бога, выбірае тое, што для яго больш карыснае. Кожны раз падчас святой Імшы гучыць Божае слова, якое Хрыстус засявае ў тваім сэрцы і спадзяецца на багаты плён.


Я разважаю:

— Якой глебай для Божага слова я з’яўляюся?

— Як я слухаю Божае слова падчас святой Імшы?

— Колькі часу я прысвячаю для прыватнага чытання Святога Пісання?

— Як Божае слова злучаецца з маім штодзёным жыццём?


  • Які плён Божага слова бачаць ува мне іншыя людзі?


Пастанова.

Хатняе заданне:

1. Падчас вячэрняй малітвы паразважай над прыпавесцю пра себіта.

2. Зрабі малюнак да гэтай прыпавесці.
Заключная малітва:
Езу, Ты прыходзіш, каб у маім сэрцы сеяць зерне Добрай Навіны – Евангелля, несучы мне надзею на новае жыццё ў Божым Валадарстве. Ты прыходзіш, каб Сваім словам бараніць мяне, паказаць мне будучыню, у якой чакае мяне любячы Айцец. Прашу, дай мне прагненне, каб я хацеў слухаць Тваё слова, мудрасць, каб я мог яго зразумець, адвагу, каб я мог паводле яго жыць. Амэн.

Тэма № 12, VII кл.


БОЖАЕ СЛОВА – ПАДМУРАК ЧАЛАВЕЧАГА ЖЫЦЦЯ.
Дыдактычная мэта:

Знаёмім вучняў з прыпавесцю пра будаванне дому. Растлумачваем сімвалам чаго з’яўляецца “пясок” і “скала” у прыповесці.



Выхаваўчая мэта:

Заахвочваем вучняў будаваць сваё жыццё на цвёрдым і незнішчальным падмурку Божага слова.



Асноўныя і дапаможныя матэрыялы:

Святое Пісанне: Мц 7, 24-27;

2 макеты дома, фотаздымкі з адлюстраваннем розных дамоў.

Метады катэхезы: аналіз тэксту, экспазіцыя.

1   ...   7   8   9   10   11   12   13   14   ...   19


База данных защищена авторским правом ©shkola.of.by 2016
звярнуцца да адміністрацыі

    Галоўная старонка