Ад грамадзкага аб’яднаньня
|
Спампаваць 107.71 Kb.
|
Дарагія калегі! 2 15 год дабрачыннай працы 2 Фэст экскурсаводаў на Гарадзеншчыне 2 Вялікдзень для хворых дзетак 3 Эўрапейскі Суд за свабодны доступ НГА да інфармацыі 3 Творчы спабор “Сямейны альбом. 1989-2009” 4 Канфэрэнцыя па ўдзеле ва Ўсходнім партнэрстве 4 Летнік для аматараў птушак 5 Магчымасьці навучаньня ў ВНУ Ўроцлава 5 Спабор гісторый “Як я знайшоў працу?” 6 Спабор летніх адукацыйных праектаў 6 Акадэмія салідарнасьці 7 Летняя школа ў Варшаве 7
уверх Дарагія калегі!Грамадзкае аб’яднаньне “Цэнтр “Трэці сэктар” і рэдакцыя “Кронікі” віншуюць усіх праваслаўных хрысціян са сьвятам Уваскрасеньня Хрыстовага! уверх 15 год дабрачыннай працы18 красавіка ў Фарным касцёле адбудуцца юбілейныя ўрачыстасьці з нагоды 15-годдзя дзейнасьці рэлігійнай місіі “ Дабрачыннае таварыства Карытас” на тэрыторыі Гродзенскай епархіі. Як паведаміла рэферэнт арганізацыі Алена Міхайлік, на імпрэзе плануецца сьвяточны канцэрт, выступы гасьцей з розных эўрапейскіх краін, супрацоўнікаў Карытасу, прадстаўнікоў улады і ўручэньне прэміі місіі за супрацоўніцтва ў некалькіх намінацыях. Рэлігійная місія “Карытас” займаецца дабрачыннай дзейнасьцю па шэрагу накірункаў. У Гародні існуе пункт дапамогі бедным людзям, дзе шматдзетныя сем’і, дзеці-сіроты, сацыяльна неабароненыя грамадзяне могуць атрымаць ежу і ўжыванае адзеньне. Карытас супрацоўнічае таксама са шпіталямі, якім дапамагае медычным абсталяваньнем, лекамі, мэбляй. Ёсць свой бясплатны аптэчны пункт, у якім людзі састарэлага ўзросту, інваліды або іншыя людзі ў патрэбе могуць атрымаць лекі. У кірунку працы з дзецьмі Карытас дапамагае школьнымі прыладамі дзецям-сіротам, дзецям з шматдзетных, няпоўных і малазабяспечаных семьяў. У вёсцы Нецеч Лідскага раёна існуе дзіцячы летнік Карытасу. Па Гарадзеншчыне пры касцёлах працуюць парафіяльныя секцыі – у Воранаве, Слоніме, Іўі, Лідзе і іншых мясцовасцях. У Карытасе Гарадзенскай епархіі стала працуе 11 чалавек і 200 валанцёраў, якія дапамагаюць у дабрачыннай дзейнасці – дактары, настаўнікі і інш. Паводле http://t-styl.info уверх
Фэст экскурсаводаў на ГарадзеншчынеКаля 30 пешых экскурсій пройдуць у Гародні, Менску, Полацку і іншых гарадах краіны 18-19 красавіка ў межах «Фэсту экскурсаводаў». Фэст ладзіцца з нагоды сьвяткаваньня ў Беларусі 18 красавіка Міжнароднага дня помнікаў і мясьцінаў, які будзе адзначацца ўжо 26-ы раз па ініцыятыве ЮНЭСКА. Экскурсіі будуць праводзіць як прафэсыйныя экскурсаводы, так і выкладчыкі гісторыі, дасьледчыкі пэўнай эпохі, тэматыкі ці рэгіёна. У Гародні і вобласьці 18 красавіка адбудуцца наступныя «падарожжы»: 1. Помнікі і славутыя мясьціны старадаўняга мястэчка Дварэц у Воранаўскім р-не, збор у 10.00, каля касьцёла. 2. Экскурсія па Наваградку, пачатак 10.30, каля Краязнаўчага музея 3. Экскурсія па Старой Гародні: месца сустрэчы каля помніка Вітаўту Вялікаму паміж Старым і Новым замкамі ў 11.50, экскурсавод Тацьцяна Казак. Паводле http://t-styl.info уверх Вялікдзень для хворых дзетакГрамадзкая дабрачынная арганізацыя “Гарадзенкі дзіцячы хоспіс” сумесна з ААТ “Малочны мір” і Праваслаўнай Царквой ладзіць 20 красавіка дабрачыную акцыю “Дзень Велікодны”. У гэты дзень прадстаўнікі хоспіса, гарадзенскага малочнага завода і сьвятар айцец Сергій наведаюць 10 сем’яў, у якіх выхоўваюцца цяжка і невылечна хворыя дзеці. Бацькам і дзецям распавядуць пра традыцыі святкаваньня Вялікадня, будзе арганізаваны малебен. Для хворых дзяцей і іх семьяў – гэта цудоўная магчымасць адчуць сваю прыналежнасць да вялікага свята, прыемна пабавіць час у кампаніі дабразычлівых людзей. Па пытаньнях правядзеньня акцыі, а таксама дзейнасці хоспіса зьвяртайцеся да Адар’і Гуштын, PR-мэнэджэра ГДА “Гарадзенскі дзіцячы хоспіс” па тэлефонах: +37529 58-81-741 (МТС), +37525 972-37-64 (life:), е -mail: journalist1989@yandex.ru Паводле http://t-styl.info уверх Эўрапейскі Суд за свабодны доступ НГА да інфармацыіАбмежаваньне доступу да інфармацыі няўрадавым арганізацыям парушае свабоду слова, бо НГА выконваюць функцыі, параўнальныя з функцыяй сродкаў масавай інфармацыі. Такое рашэньне прыняў Эўрапейскі Суд па Правах Чалавека на скаргу вянгерскай няўрадавай арганізацыі. Пастанова суда сьведчыць, што вянгерскі канстытуцыйны суд парушыў свабоду слова і доступу да інфармацыі, гарантаваныя эўрапейскай канвенцыяй правоў чалавека, адмовіўшы Вянгерскаму Таварыству Правоў Грамадзян азнаёміцца з тэкстам скаргі аднаго з дэпутатаў парламента на закон супраць наркотыкаў. Таварыства Правоў Грамадзян хацела адказаць на гэтую скаргу, але суд, спаслаўшыся на неабходнасьць абароны асабістых дадзеных, не дазволіў азнаёміцца з тэкстам скаргі. Пастанова Суда па Правах Чалавека падкрэсьлівае непарыўную сувязь паміж свабодай слова і доступам да інфармацыі. Суд у Стразбурзе падкрэсьліў, што адмова дзяржаўных ворганаў у прадстаўленьні інфармацыі няўрадавым арганізацыям можа разглядацца як цэнзура. Паводле Gazety Wyborczej уверх
уверх Творчы спабор “Сямейны альбом. 1989-2009”Гарадзенцы могуць узяць удзел у спаборы, прысьвечаным 20-ай гадавіне ад моманту падзеньня Бярлінскага мура і аб’яднаньня Германіі. Да ўдзелу ў спаборы, які ладзіцца Інстытутам імя Гётэ ў Менску, можна дасылаць сямейныя гісторыі ў выглядзе фотаздымкаў, калажоў, малюнкаў, фільмаў, што адлюстроўваюць імгненьні таго пераломнага моманту ў жыцьцях ня толькі немцаў, але і беларусаў. Мовы спабора: нямецкая, беларуская, русская. Апошні тэрмін – да 30 верасьня. Працы трэба дасылаць на эл.пошту volontaer@minsk.goethe.org альбо звычайнай поштай з паметкай «Сямейны альбом» на адрас Інстытута імя Гётэ ў Менску:
Канфэрэнцыя па ўдзеле ва Ўсходнім партнэрствеПлатформа падтрымкі супрацоўніцтва беларускіх арганізацый грамадзянскай супольнасьці і мясцовых уладаў у супрацоўніцтве з “Офісам за дэмакратычную Беларусь” (Брусэль) запрашаюць да ўдзелу ў канфэрэнцыі “Удзел грамадзянскай супольнасьці Беларусі ў ініцыятыве Усходняга партнэрства”. Канфэрэнцыя ладзіцца 22 красавіка ў будынку Менскага міжнароднага адукацыйнага цэнтра (IBB) па адрасе: пр. Газеты “Праўда”. Усходняе партнэрства – гэта новая шматбаковая платформа супрацоўніцтва, прапанаваная Эўразьвязам шасьці краінам Усходняй Эўропы і Паўднёвага Каўказу: Арменіі, Азэрбайджану, Беларусі, Грузіі, Рэспубліцы Малдова і Украіне. Арганізатары канфэрэнцыі запрашаюць арганізацыі грамадзянскай супольнасьці Беларусі, паўнамоцных прадстаўнікоў беларускай дзяржавы і прадстаўнікоў экспертнай супольнасьці да шырокага публічнага абмеркаваньня наступных пытаньняў: 1. Якая роля і значэньне Усходняга партнэрства для Беларусі? 2. Як павінен быць арганізаваны Форум грамадзянскай супольнасьці, каб судзейнічаць больш актыўнаму ўцягваньню грамадзянскай супольнасьці Беларусі ў ініцыятыву Усходняга партнэрства? 3. Якім чынам трэба арганізаваць работу форуму, у прыватнасьці: · Якім чынам Форум грамадзянскай супольнасьці можа дапамагчы дасягненьню мэтаў Усходняга партнэрства? · Якім чынам павінен вызначацца ўдзел у працы Форуму? · Якія структуры мусіць мець Форум? Якім чынам ён будзе ўзаемадзейнічаць з іншымі структурамі Усходняга партнэрства (платформамі, камітэтамі і г.д.)? · Якую ролю мусіць узяць на сябе Эўрапейская камісія, што да запуску праекта Форуму і яго працы? Для ўдзелу ў канфэрэнцыі неабходна. даслаць заяўку на электронны адрас: belarus-europe@tut.by . Апошні тэрмін – да 19 красавіка. Выдаткі на праезд і пражываньне арганізатарамі не кампенсуюцца. У якасьці дакладчыкаў на канфэрэнцыю таксама запрашаюцца ўдзельнікі, якія дашлюць тэзісы з прапановамі ад арганізацый грамадзянскай супольнасьці Беларусі для Эўрапейскай камісіі. Па ўсіх пытаньнях зьвяртацца да каардынатаркі аргкамітэта Юліі Галіноўскай на эл. пошту: belarus-europe@tut.by , тэл./факс (017) 2454118; (029) 6840709 (пн.-пт., з 10:00 да 18:00).
Летнік для аматараў птушакЗ 25 красавіка да 5 траўня ў Тураве (Гомельская вобл.) Грамадзкая арганізацыя “Ахова птушак Бацькаўшчыны” ладзіць летнік па кальцаваньні кулікоў ды іншых водна-балотных відаў птушак. Летнік адбудзецца на базе станцыі кальцаваньня птушак “Тураў”. Да ўдзелу запрашаюцца ўсе зацікаўленыя асобы старэйшыя за 18 год, перавага аддаецца студэнтам. Удзел у праекце дапаможа атрымаць падставовыя навыкі ў асноўных арніталягічных методыках па вывучэньні веснавой міграцыі і кальцаваньні птушак. Падчас летніка можна навучыцца асноўным навыкам вызначэньня кулікоў і іншых відаў птушак, асноўным прынцыпам вызначэньня ўзросту і полу птушак. Праезд, пражываньне і харчаваньне – за кошт арганізатараў. Удзельнікам неабходна мець высокія гумовыя боты, спальнікі. За больш падрабязнай інфармацыяй зьвяртайцеся да Натальлі Карліёнавай: 922-13-05 (Velcom). Паводле http://ptushki.org уверх Магчымасьці навучаньня ў ВНУ ЎроцлаваПраект «Teraz Wroclaw» абвяшчае аб пачатку ўступнай кампаніі ва Ўроцлаве. Трэці год запар праект дапамагае моладзі з Усходняй Эўропы стаць студэнтамі буйных вышэйшых навучальных установаў Ніжняй Сылезіі. Галоўная мэта праекту - ня толькі запрасіць моладзь атрымаць адукацыю ва ўроцлаўскіх вышэйшых навучальных установах, але й даць інфармацыйную й кансультацыйную падтрымку. Дапамога ў выбары навучальнай установы і накірунку навучаньня, кансультацыі па працэдуры ўступленьня, афармленьне дакумэнтаў, падтрымка на першым этапе навучаньня, моўна-адаптацыйны курс - усё гэта асыстэнты «Teraz Wrocław» гарантуюць удзельнікам праекту бясплатна. Пералік дзяржаўных і прыватных вышэйшых навучальных установаў:
Удзельнікам праекта можа стаць кожны, хто жадае атрымаць адукацыю ў адной з ВНУ, прэзэнтаваных «Teraz Wrocław», і ўжо мае атэстат поўнай агульнай сярэдняй адукацыі (альбо дыплём бакаляўра ці магістра), а таксама валодае польскай мовай. На безкаштоўнае навучаньне можа прэтэндаваць кандыдат ва ўзросьце да 26 год, які не зьяўляецца ўладальнікам Карты Паляка, раней не атрымоўваў вышэйшай адукацыі ў Польшчы, валодае польскай мовай на ўзроўні, які дазваляе навучацца, а таксама мае высокі бал атэстату. Што прапануюць ўроцлаўскія вышэйшыя навучальныя ўстановы, як стаць удзельнікам праекту «Teraz Wrocław» і чаму Ўроцлаў называюць горадам сустрэчаў, можна даведацца на вэб-пляцоўцы праекту: http://www.study-in-wroclaw.pl/. За дадатковай інфармацыяй зьвятрайцеся па кантактах: +48 71 368 0892-5,
уверх Спабор гісторый “Як я знайшоў працу?”Інфармацыйны партал www.kariera.by запрашае да ўдзелу ў спаборы гісторый, якія адлюстроўваюць ваш асабісты досьвед пераходу ад навучаньня да працы. Апошні тэрмін падачы гісторый – да 20 траўня. Больш падрабязная інфармацыя – на вэб-пляцоўцы па адрасе: http://www.kariera.by/post-164/
Спабор летніх адукацыйных праектаўНастаўнікі, педагогі вышэйшых і сярэдніх спецыяльных установаў, бацькі, выхавальнікі, а таксама настаўніцкія клубы, грамадзкія арганізацыі і ініцыятыўныя групы, якія працуюць з вучнямі, настаўнікамі і мясцовай супольнасьцю, запрашаюцца да ўдзелу ў спаборы летніх адукацыйна-інфармацыйных праектаў. Для ўдзелу ў спаборы неабходна запоўніць анкету-заяўку, якая разьмешчаная па эл. адрасе http://nastaunik.info/files/f/582_ankieta_leta.doc , і даслаць яе на электронны адрас 2009leta@gmail.com. Апошні тэрмін падачы заяўкі – да 4 траўня.
Акадэмія салідарнасьціTertio Millennio і Эўрапейскі Цэнтар Салідарнасьці запрашае да ўдзелу ў працы “Акадэміі Салідарнасьці”. Апошні тэрмін падачы заявак – 15 траўня. Падаць заяўку можна на вэб-пляцоўцы па адрасе:
Летняя школа ў ВаршавеЗ 1 па 21 ліпеня Варшаўскі ўнівэрсытэт ладзіць ХІХ Міжнародную школу гісторыі і сучаснасьці Цэнтральнай і Ўсходняй Эўропы. Мовы школы – польская і ангельская. Апошні тэрмін падачы заявак на ўдзел – 10 траўня. Больш падрабязная інфармацыя на ангельскай мове зьмешчаная на вэб-пляцоўцы па адрасе: www.studium.uw.edu.pl Паводле рассылкі belngo.info уверх |
