Вялікі патрыятызм пачынаецца з малога – Любові да таго месца, дзе жывеш




Дата канвертавання11.05.2016
Памер16.08 Kb.
Вялікі патрыятызм пачынаецца з малога –

Любові да таго месца, дзе жывеш

Музейны пакой этнаграфічна-краязнаўчага профілю ў Рытанскім дзіцячым садзе - сярэдняй школы пачаў сваю працу ў 2009 годзе. Першым яго загадчыкам быў Дз. І. Арлоўскі, потым кіраўніцтва музейным пакоем было перададзена А. Г. Пляўга. Але гісторыю музейнай справы трэба пачынаць з далёкага 1993 года, з таго часу, як Рытанская школа пераехала ў сучасны будынак. Збіраць музейныя экспанаты для новага будынка школы пачаў яе дырэктар, гісторык па адукацыі, Часлаў Аляксандравіч Шаблінскі, і ў Рытанскую школу яны трапілі з яго роднай вескі – Вялікія Свіранкі, а таксама з бліжэйшых ваколіц – в. Вартачы, Мужылы. Часлаў Аляксандравіч аддаваў тыя прадметы, якія напаўнялі яго родную хату, а таксама шмат экспанатаў прыносілі тыя людзі, якія ведалі і паважалі Часлава Аляксандравіча. Менавіта тады ў дырэктара школы і настаўніка школы Эдуарда Свірыда ўзнікла ідэя стварыць невялікую музейную экспазіцыю менавіта ў самім кабінеце гісторыі, аддаўшы пад плошчу экспазіцыі ўсю правую сцяну кабінета. Былі зроблены спецыяльныя нішы і вітрыны, дзе красаваліся прадметы побыту беларускай вескі. З цягам часу экспанатаў станавілася ўсё больш, бо актыўным папаўннем фонда займаліся як вучні школы, так і ўвесь школьны калектыў. Здаецца, што няма ў Рытані аніводнай сям’і, якая б не перадала ў музей тую ці іншую рэч. Цяпер экспанаты размешчаны і па правай старане кабінета, і ў музейным пакоі (які і быў заснаваны ў 2009 г.), плошчай 20,5 м. кв. На дадзены момант агульная колькасць экспанатаў складае 163 прадметы, тут  прадстаўлены прылады працы, прадметы побыту,  рушнікі,  грашовыя знакі Расійскай імперыі, Польскай рэспублікі, СССР, Рэспублікі Беларусь  і многае іншае. Адным з самых цэнных экспанатаў з’яўляюцца сцягі савецкага перыяду “Пролетарии все стран, соединяйтесь!”. Таксама маюцца нагрудныя значкі, членскі білет ВЛКСМ, што прадстаўляе вялікую цікавасць для вучняў школы, якія пра Савецкі Саюз чулі толькі на ўроках гісторыі ды ад бацькоў. А такія экспанаты, як дзеравянікі, клумпы, увогуле выклікаюць жывую цікавасць, бо вучні зусім не знаёмы з тым, як жылі нашы бабулі і дзядулі.



Асноўная мэта працы музейнага пакоя – грамадзянска-патрыятычнае выхаванне научэнцаў сродкамі музейнай педагогікі. Для выканання пастаўленнай мэты кожны год выбіраецца новы Савет музейнага пакоя з ліку навучэнцаў, рыхтуюцца новыя экскурсаводы, распрацоўваюцца экскурсіі, папаўняюцца фонды музейнага пакою.


База данных защищена авторским правом ©shkola.of.by 2016
звярнуцца да адміністрацыі

    Галоўная старонка