Svanhildur Kr. Sverrisdóttir Sex 90 orða stafsetningartextar fyrir miðstig Tölvuleikir




Дата канвертавання27.04.2016
Памер11.95 Kb.
Svanhildur Kr. Sverrisdóttir

Sex 90 orða stafsetningartextar fyrir miðstig
Tölvuleikir

Fyrsti vinsæli tölvuleikurinn er talinn hafa verið gerður árið nítján hundruð fimmtíu og átta. Hann var einhvers konar stafræn útgáfa af venjulegum tennisleik milli tveggja aðila. Á sjöunda og áttunda áratugnum varð svo hálfgerð bylting í gerð tölvuleikja. Þá stigu fram ótal frægir og jafnvel þjóðsagnakenndir leikir sem var aðeins hægt að spila í leikjatölvum. Á síðustu árum hafa leikirnir breyst nokkuð, en gæði þeirra hafa tekið töluverðum framförum. Sumir tala þó um að þeir séu mun ofbeldisfyllri og grófari en nokkru sinni fyrr og hafa áhyggjur af stöðu mála.

(90 orð)

Indíánar

Fyrir fjörutíu þúsund árum komu fyrstu frumbyggjarnir til Norður-Ameríku. Þeir komu flestir frá Asíu og smátt og smátt þróuðust ættbálkarnir þeirra yfir í skipulögð samfélög. Þegar fimmtánda öldin var að líða undir lok komu fyrstu landnemarnir frá Evrópu. Þeir töldu sig vera komna til Indlands og þess vegna kölluðu þeir innfædda indíána. Í upphafi var sambúð þeirra að mestu friðsamleg. Smám saman varð hún þó herskárri og á nítjándu öld varð hún að hatrammri baráttu sem leiddi til þess að flestum indíánunum var útrýmt eða Bandaríkjastjórn sendi þá á verndarsvæði.

(90 orð)

Geimfarar

Snemma á sjötta áratugnum var fyrsti sérþjálfaði maðurinn sendur frá jörðinni út í geiminn. Hann var rússneskur en átta árum síðar var Bandaríkjamaður sendur til tunglsins. Tólf menn hafa gengið á tunglinu síðan þá en meira en fjögur hundruð geimfarar hafa farið út í geiminn.

Það er alls ekki hættulaust að vera geimfari. Bæði við þjálfun á jörðinni sem og í geimnum hafa í kringum tuttugu geimfarar látist, eða um fimm prósent af þeim öllum. Fyrir tæpum fjörutíu árum varð hræðilegt slys í geimferju og lést þriggja manna áhöfn hennar.

(90 orð)
Bandaríkin

Bandaríkin eru voldugasta ríki heimsins í dag og frá lokum kalda stríðsins. Þau samanstanda af ótal mörgum ríkjum, jafnmörgum og stjörnurnar í fánanum þeirra. Bandaríkin hafa langstærsta her í öllum heiminum, jafnvel þótt allur herafli annarra ríkja væri samanlagður. Margir telja þau heimsveldi, sérstaklega frá lokum seinni heimsstyrjaldar. Engu að síður var þetta aðeins stórt varnarlaust ríki fyrir tæplega tvö hundruð og fimmtíu árum, sem stóð í stöðugu stríði við indíánana, frumbyggja landsins. Ljóst er að ýmislegt hefur breyst síðan þá enda hefur velsæld bandarísku þjóðarinnar aukist stórlega á þessum tíma.

(90 orð)


Heiðlóur

Heiðlóur verpa á ýmsum stöðum í vestanverðri Evrópu og Asíu. Þær eru meðal algengustu fugla á Íslandi, að minnsta kosti meðal vaðfugla. Lóan er vel þekkt enda er hún vorboði okkar Íslendinga eins og segir í þekktri hendingu úr ljóði Jónasar Hallgrímssonar, Ég bið að heilsa. Lóur lifa á alls konar smávöxnum dýrum eins og lirfum, ánamöðkum og bjöllum svo nokkur séu talin. Fuglinn er alfriðaður en vegna gróðureyðingar og virkjanaframkvæmda eru hann í hættu þótt stofninn sé stór. Heiðlóur eru farfuglar og fara til annarra landa að vetri til.

(90 orð)

Örtækni

Í umhverfi okkar eru tæki og tól sem byggja á örtækni. Til dæmis má nefna tölvur, farsíma, Netið, öryggisbúnað í bílum, geisladiska og nútímatæki til lækninga og greiningar erfðaefnis. Skilningur okkar á örsmáum fyrirbærum, bæði tilbúnum og náttúrulegum, hefur stóraukist og tækni, sem nauðsynleg er til að nýta okkur þennan skilning, hefur fleygt fram. Á fáeinum áratugum hefur þessi þróun gjörbreytt daglegu lífi fólks í öllum tæknivæddum þjóðfélögum. Áhugavert væri að skyggnast inn í heim örtækninnar, skoða hverju hún hefur komið til leiðar og hverju hún mun skila í framtíðinni.



(90 orð)


База данных защищена авторским правом ©shkola.of.by 2016
звярнуцца да адміністрацыі

    Галоўная старонка