Прыйдзі аднойчы ў вечаровы час




Дата канвертавання18.05.2016
Памер9.33 Kb.
Прыйдзі аднойчы

ў вечаровы час,

Калі плывуць дымы,

як верасы,

Да кургана пясчанага,

што нас


Разлучыць назаўжды, —

Прыйдзі, мой сын.

Павер хвіліну нейкую,

што я


Жывы стаю між трапяткіх бяроз

I слухаю:

у праведных баях

Што ты здабыў?

Што ў сэрцы ты прынёс?..

Прыйдзі —

як ветру жніўнага павеў,

Каб нада мною дыхалі палі

I колас той звінеў — не адзвінеў,

Што к сонцу

на руках

ты ўзняў спяліць.

Прыйдзі —

як песня,

што табе збярог

Бацькоўскі край

і дбайна перадаў,

Прыйдзі —

як рэха з тысячы дарог,

Дзе голас мой твае сцягі гайдаў.

Прыйдзі —

як думкі вогненнай усплёск,

Як гром ракет, што ўзлёт твой акрыляў...

Прыйдзі,


мая надзея і мой лёс, —

І лёгкай будзе



для мяне

зямля.


База данных защищена авторским правом ©shkola.of.by 2016
звярнуцца да адміністрацыі

    Галоўная старонка