Між алешын, кустоў, Дзе пяе салавей




Дата канвертавання12.05.2016
Памер7.84 Kb.
Якуб КОЛАС
Ручэй

Між алешын, кустоў,

Дзе пяе салавей,

I шуміць і грыміць

Срэбразвонны ручэй.
Як матулька, вярба

Хіліць голаў над ім,

I глядзяцца кусты

Пышным верхам сваім.


Абступаюць яго

Чараты, асака,

Падыходзіць мурог

Да яго здаляка.


Часам зорка ўначы

На яго кіне зрок,

I хмурынка не раз

Зазірне ў ручаёк.


I схіляе трава

Над ім пасмы-брыжы,

А ён, жэўжык-пястун,

Гучным смехам дрыжыць.


То заскочыць у гай,

То курган абаўе,

Дзе сярдзіта бубніць,

Дзе лагодна пяе.


Люба слухаць той спеў,

Несціханы, густы,

I пад песні яго

Адпачынеш і ты.



Дарэвалюцыйныя вершы 1909
http://yakubkolas.ru/ruchei


База данных защищена авторским правом ©shkola.of.by 2016
звярнуцца да адміністрацыі

    Галоўная старонка