Конкурса для вучняў 10-11 класаў " калі нараджалася класіка" Тэма конкуса "




Дата канвертавання15.03.2016
Памер63.17 Kb.
ПАЛАЖЭННЕ

адкрытага літаратуразнаўчага Інтэрнэт конкурса

для вучняў 10-11 класаў

КАЛІ НАРАДЖАЛАСЯ КЛАСІКА”


Тэма конкуса

Праўда і казкі жыцця дзядзькі Якуба”

(жыццё і творчасць Якуба Коласа)


Арганізатары: Мінскі дзяржаўны палац дзяцей і моладзі, аддзел інтэлектуальнай творчасці і сектар развіцця пазнавальных ініцыятыў МДПДіМ.
Мэты: стварэнне ўмоваў для рэалізацыі творчага патэнцыялу дзяцей і падлеткаў, выяўленне адораных навучэнцаў.
Задачы:

- развіваць цікавасць да вывучэння літаратуры;

- развіваць творчыя і даследчыя здольнасці дзяцей;

- фарміраваць пазнавальную актыўнасць;

- фарміраваць навыкі работы з камп’ютэрнымі сродкамі і Інтэрнэт;

- выхоўваць этыку партнёрства і ўменне працаваць у камандзе;

- выхоўваць патрыятызм вучняў.
Умовы правядзення:

Конкурс разлічаны на вучняў 10-11 класаў школ, гімназій г.Мінска і Рэспублікі Беларусь, навучэнцаў пазашкольных устаноў, сябраў дзіцячых і маладзёжных грамадскіх арганізацый.

Конкурс прадугледжвае як індывідуальны ўдзел, так і ўдзел каманд па 3 чалавекі і праводзіцца завочна праз Інтэрнэт.

Удзельнікі могуць мець навуковага кіраўніка/ кансультанта, у ролі якога выступае настаўнік, кіраўнік клуба, гуртка альбо супрацоўнік навуковай установы ці ВНУ.


Рэгістрацыя:

Рэгістрацыя на конкурс праводзіцца з 1 кастрычніка па 1 лістапада 2007 г. Заяўкі для ўдзелу ў конкурсе прымаюцца на адрас электроннай пошты nasha.klasika@gmail.com.

Форма заяўкі змешчана ў дадатку да палажэння.
Конкурс праводзіцца ў два этапы:

1 этап (падрыхтоўчы) – кастрычнік-лістапад 2007 г. – правядзенне індывідуальных інструктыўна-метадычных нарад для педагогаў, рэгістрацыя ўдзельнікаў.

2 этап (асноўны) – лістапад 2007 г.- студзень 2008 г., складаецца з 2 тураў.
1 тур – адборачны. Праводзіцца з 5 лістапада па 5 снежня 2007 г. Удзельнікі працуюць з заданнямі конкурса, змешчанымі на сайце Мінскага дзяржаўнага палаца дзяцей і моладзі (www.mddm.org), і да 5 снежня дасылаюць пісьмовыя адказы на адрас эл.пошты nasha.klasika@gmail.com альбо падаюць іх у сектар развіцця пазнавальных ініцыятыў аддзела інтэлектуальнай творчасці МДПДіМ (вул. Старавіленскі тракт, 41, п. 308) на электронным носбіце.
1 тур складаецца з наступных заданняў:

І. Красамоўнікі. Патлумачыць сэнс прыказак і прымавак, якія ўжывае Якуб Колас у сваіх творах.

ІІ. Ваш каментар. “Расшыфраваць” фрагменты твораў Якуба Коласа, звязаныя з культурна-гістарычнымі рэаліямі і асаблівасцямі матэрыяльнай культуры 1-й трэці 20 стагоддзя.

ІІІ. Партрэт класіка. Пазнаць Якуба Коласа на прапанаваных фатаграфіях і партрэтах.

IV. Хранатоп. Знайсці адказ на пытанні, што датычацца гісторыі мясцінаў, з якімі звязана жыццё і творчасць класіка.

V. Кніжнікі і кніжніцы. Знайсці прапушчаныя фрагменты літаратурнага твора і назваць сам твор.

VІ. Літаратуразнаўчая майстэрня. Адказаць на пытанні на разуменне сувязі творчасці Якуба Коласа з тэндэнцыямі ў сусветнай літаратуры 19-га і 1-й трэці 20 ст.

VIІ. “Беларускі Гамер”. Праявіць абазнанасць у веданні радавода, сям’і, псіхалогіі і асабістых матываў творцы.

АЦЭНКА.


Заданні І, III, V, VII ацэньваюцца ў 10 балаў.

Заданні II, ІV, VІ – у 15 балаў.

КРЫТЭРЫІ АЦЭНКІ.

У 1-м туры конкурса ацэньваюцца даследчыцкія здольнасці навучэнцаў:

- факталагічная правільнасць, абгрунтаванасць, паўната адказу;

- глыбіня валодання тэмай;

- уменне працаваць з крыніцамі;

- разуменне ролі Якуба Коласа ў стварэнні нацыянальнай літаратуры;

- валоданне літаратурнай мовай;

- адсутнасць граматычных і сінтаксічных памылак.

ПРАВІЛЫ АФАРМЛЕННЯ АДКАЗАЎ.

Адказы на заданні конкурса павінны быць набраныя ў праграме Word, шрыфтам Times New Roman памерам 14 пунктаў. Работа з адказамі павінна мець тытульны ліст, спіс літаратуры альбо Інтэрнэт рэсурсаў.

Файл з адказамі прымацоўваецца да электроннага ліста.
2 тур – фінальны. Праводзіцца з 10 снежня 2007 г. па 10 студзеня 2008 г. Прымаюцца ўдзельнікі, якія набралі найбольшую колькасць балаў у 1 туры.

З мэтай папулярызацыі беларускай класічнай літаратуры ўдзельнікі распрацоўваюць рэкламны плакат/ постэр, прысвечаны асобе, творчасці альбо аднаму з твораў Якуба Коласа.

На выбар удзельнікаў плакат можа быць пададзены на любым носбіце ў сектар развіцця пазнавальных ініцыятыў аддзела інтэлектуальнай творчасці МДПДіМ (вул. Старавіленскі тракт, 41, п. 308) альбо дасланы на адрас эл.пошты nasha.klasika@gmail.com да 10 студзеня 2008 г.
КРЫТЭРЫІ АЦЭНКІ.

У 2-м туры конкурса ацэньваюцца творчыя здольнасці навучэнцаў:

- адпаведнасць тэме конкурса;

- арыгінальнасць;

- эстэтычнасць;

- мастацкая выразнасць.


ПРАВІЛЫ АФАРМЛЕННЯ ПЛАКАТА.

Плакат можа быць зроблены ў розных тэхніках:



  • маляваны плакат;

  • плакат-калаж;

  • плакат, выкананы з дапамогай камп’ютэрных сродкаў.

Пры падачы плаката на электронным носбіце праца фатаграфіруецца альбо сканіруецца і захоўваецца ў фармаце *jpg. з разрашэннем 150 dpi.
Майстар-клас

З мэтай абмеркавання вынікаў конкурса, практычнага разгляду актуальных праблем літаратуразнаўства і гісторыі беларускай літаратуры фіналісты і іх навуковыя кіраўнікі запрашаюцца на майстар-клас.

У майстар-класе ўдзельнічаюць даследчыкі беларускай літаратуры і творчасці Якуба Коласа, выкладчыкі ВНУ, журналісты, журы.

Форму майстар-класа (гутарка, круглы стол, гульня) і дату яго правядзення арганізатары і журы конкурса вызначаюць пасля падвядзення вынікаў 2-га тура і абвяшчэння фіналістаў.


Узнагароджанне пераможцаў

Узнагароджанне пераможцаў адбываецца на майстар-класе.

Лепшыя плакаты фіналістаў будуць прапанаваны для друку ў беларускія дзіцячыя і маладзёжныя СМІ.

Усе фіналісты адзначаюцца дыпломамі лаўрэатаў конкурса.

Заўвагі і прапановы прымаюцца ў дзень правядзення майстар-класа.
Аргкамітэт


  • зацвярджае склад журы;

  • вызначае тэрміны правядзення адборачных тураў конкурса;

  • мае права змяняць тэрмін правядзення адборачнага і фінальнага тураў;

  • узнагароджвае пераможцаў.

Аргкамітэт складаецца з супрацоўнікаў сектара развіцця пазнавальных ініцыятыў аддзела інтэлектуальнай творчасці МДПДіМ.
Журы

  • ацэньвае 1-ы і 2-гі тур конкурса;

  • удзельнічае ў правядзенні майстар-класа.

Журы складаецца з навукоўцаў, настаўнікаў, выкладчыкаў ВНУ г.Мінска, журналістаў.
Куратар

  • распрацоўвае заданні і палажэнне конкурса;

  • запрашае журы;

  • ацэньвае 1-ы і 2-гі тур конкурса;

  • праводзіць майстар-клас.

Куратар конкурса – культарганізатар аддзела інтэлектуальнай творчасці Сідаровіч Ала Рамуальдаўна.


Кантакты

тэлефон: 233-80-90;

адрас: Мінск, вул.Старавіленскі тракт, 41 (пакой 308). Праезд трамваямі № 3, 4, 5, 10.

эл. пошта: nasha.klasika@gmail.com

ДАДАТАК
Заяўка

на ўдзел у адкрытым літаратуразнаўчым Інтэрнэт конкурсе

для вучняў 10-11 класаў
Калі нараджалася класіка: казкі і праўда жыцця дзядзькі Якуба”

Удзельнікі:


  1. прозвішча, імя;

клас і літара класа, школа;

назва гуртка (клуба)/ грамадскай арганізацыі



  1. прозвішча, імя;

клас і літара класа, школа;

назва гуртка (клуба)/ грамадскай арганізацыі



  1. прозвішча, імя;

клас і літара класа, школа.

Навуковы кіраўнік:

прозвішча, імя, імя па бацьку, месца працы, пасада.


Зваротныя кантакты:

тэлефон (хатні, мабільны) капітана каманды,

тэлефон (працоўны, хатні, мабільны) і навуковага кіраўніка;
электонны адрас капітана каманды,

электронны адрас навуковага кіраўніка.









База данных защищена авторским правом ©shkola.of.by 2016
звярнуцца да адміністрацыі

    Галоўная старонка