Канспекты дапаможных матэрыялаў




старонка17/18
Дата канвертавання15.03.2016
Памер1.35 Mb.
1   ...   10   11   12   13   14   15   16   17   18

ШЧАСЛІВЫЯ ЧЫСТЫЯ СЭРЦАМ,

БО ЯНЫ БОГА ЎБАЧАЦЬ




Дыдактычная мэта:


указваем моладзі на тое, што мець чыстае сэрца – гэта значыць пазбягаць гвалту ў адносінах да іншых людзей: у думках, словах і ўчынках, не асуджаць іх. Мець чыстае сэрца – гэта значыць добра падрыхтавацца да перажывання сапраўднай любові ў цэлібаце або сужэнстве.

Выхаваўчая мэта:

выхоўваем у моладзі імкненне захоўваць свае сэрцы чыстымі.



Асноўныя і дапаможныя матэрыялы:

Святое Пісанне: Мц 5, 8; Ян Павел ІІ, Сандомеж 12.06.99

Bp. Jan Pietraszko, «Rozważania», Wyd. Znak, Kraków 1964, ss. 177-181

магнітафон, плакат з намаляваным сэрцам, некалькі картак з каляровай паперы.



Метады катэхэзы: «падарожжа ва ўяўленні», праца ў групах.

Ход заняткаў



Малітва: Вітай Марыя…
На працягу ўжо некалькіх заняткаў мы разважаем з вамі над сутнасцю васьмі благаславенняў. Сёння Езус зноў запрашае нас на гару Благаславенняў, каб мы змаглі пачуць і паразважаць над яшчэ адной дарогай, якая набліжае нас да святасці.

Чалавек пытае


А зараз я запрашаю вас у падарожжа ва ўяўленні.

Катэхет уключае спакойную музыку, кажа вучням, каб яны выгодна размясціліся і закрылі вочы.

Уяві сабе, што ты знаходзішся на гары Благаслаўленняў. Перад табою прыгожая панарама Галілеі. Вакол цябе зеляніна лугоў, пакрытых яркімі кветкамі. У далечыні ты бачыш сіняву Галілейскага возера. Ты сядзіш на траве, удыхаеш пах зёлак, адчуваеш лёгкі павеў ветру і цеплыню сонейка. Тваю ўвагу прыцягвае постаць Езуса, які стаіць на пагорку, крыху вышэй за астатніх людзей. Ты прыслухоўваешся да Яго словаў — гэта словы васьмі благаслаўленняў. Адчуваеш, што гэтыя словы напоўненны моцаю, і разам з тым – цеплынёй і лагодай. У гэты момант Езус прамаўляе: «Шчаслівыя чыстыя сэрцам, бо яны Бога ўбачаць.» (пар Мц 5, 8)


— Якія думкі ўзнікаюць ў цябе ў сувязі з пачутым?

— Хто з’яўляецца чалавекам чыстага сэрца?

— Чым напоўнена тваё сэрца?

— Што забруджаве тваё сэрца?



Праз хвіліну К выключае музыку і заахвочвае вучняў да працаваць далей. Жадаючыя адказваюць на першыя два пытанні.

Пан Бог адказвае


К змяшчае на дошцы «сэрца», на якім напісаны тэкст благаслаўлення. Вучні малююць яго ў сшытку:



К. дзеліць вучняў на 4 груп, якія будуць працаваць над тэкстамі аўтарства Яна Паўла ІІ і біскупа Яна Пятрашкі. (падручнік вучня)
(Біскуп Ян Пятрашка ( 1911-1988), вядомы душпастыр моладзі)

Групы выконваюць наступныя заданні:
Група І (падкрэсліваюць адказ на пытанне ў тэксце) (падручнік вучня)

— На чым грунтуецца чысціня сэрца?


Група ІІ: (выпісваюць адказы на картках)

— Што дае чалавеку чысціня сэрца?


Група ІІІ:

— Што дапамагае дасягнуць чысціні сэрца?


Група 4 :

— Што забруджвае сэрца чалавека?


«Чысціня сэрца грунтуецца на свабодзе ад любога граху, а не толькі на захаванні фізічнай чыстасці.

Гэтая свабода асаблівая: не тая, якая будуецца на перакананні ва ўласнай нявіннасці, якая звысока глядзіць на іншага чалавека; не тая, якую дэманстраваў фарысей у святыні, кажучы «я захоўваю ўсе запаведзі». У святыні прысутнічаў яшчэ адзін чалавек. Ён кленчыў пры дзвярах і са скрухай і пакорай вызнаваў свае правіны. Менавіта пра яго Езус сказаў, што ён выйшаў са святыні апраўданы, без віны. Яго свабода ад граху пакорная, заснаванная на свядомасці, што ўсё з’яўляецца Божым дарам, што Бог дакранаецца да грэшнага сэрца і моцай сваёй міласэрнасці здымае з яго віну. Гэтая свабода поўная падзякі і адначасова насычаная жаданнем умацавацца ў вытрымцы. Добрую волю і жаданне вытрымкі можна параўнаць да пружыны. Колькі б разоў чалавек не падаў, яна не дазваляе яму заставацца ва ўпадку, прымушае ўстаць, навярнуцца. (...)

Пытанне чысціні сэрца застаецца адкрытым, заўсёды актуальным, бо чыстае сэрца дае чалавеку магчымасць убачыць Бога, пазнаць Яго і прыняць»

Bp. Jan Pietraszko, «Rozważania» (Wyd. Znak, Kraków 1964, ss. 177-181)


«Мець чыстае сэрца – гэта значыць быць новым чалавекам, вернутым праз збаўчую любоў Хрыста да жыцця ў еднасці з Богам і ўсімі стварэннямі. Толькі чыстае сэрца можа ў поўні любіць Бога! Толькі чыстае сэрца можа здзейсніць вялікую справу любові, якой з’яўляецца сужэнства! Толькі чыстае сэрца можа ў поўні служыць бліжняму.

Дасягнуць чысціні сэрца – гэта заданне для кожнага чалавека. Мы павінны няспынна супрацьстаяць сілам зла: тым, што дзейнічаюць у самім чалавеку, і тым, што дзейнічаюць звонку і хочуць адарваць чалавека ад Бога. У сэрцы чалавека ідзе няспынная барацьба за праўду і шчасце. Каб перамагчы ў ёй, чалавек павінен звярнуцца да Хрыста, бо перамагчы здолее толькі Яго моцай, моцай Яго Крыжа і Уваскрасення. “Божа, ствары ў-ва мне чыстае сэрца” (Пс 51,12) – заклікае Псальміст, усведамляючы сваю слабасць, і ведаючы, што, каб быць беззаганным перад Богам, недастаткова толькі ўласных сілаў».

Ян Павел ІІ, Сандомеж 12.06.99
Прэзентацыя працы групаў. Свае карткі вучні змяшчаюць каля плакату са словамі благаславення.
Чысціня сэрца
— гэта Божы дар

— у кожным чалавеку бачыць Бога

— дазваляе ва ўсёй паўнаце любіць Бога, пазнаць і прыняць Яго

— дапамагае служыць іншаму чалавеку

— дазваляе стаць новым чалавека

— дапамагае ў падрыхтоўцы да сужэнства і жыцця ў цэлібаце



Чалавек чысты сэрцам



Дапамога: Перашкоды:

.............................................. ...................................................

.............................................. ...................................................

.............................................. ...................................................

.............................................. ...................................................

.............................................. ...................................................

.............................................. ...................................................

.............................................. ...................................................

.............................................. ...................................................
(свае адказы вучні запісваюць у падручнік)

Дапамога: жыццё ў Праўдзе , сакрамэнты , паглыбленне веры, малітва аб чысціні сэрца, вернасць , пост, уменне бачыць Бога ў кожным стварэнні.

Перашкоды: «свабодная» любоў, якую прапагандуюць сродкі масавай інфармацыі, парнаграфія, абясцэньванне жыццёвых каштоўнасцяў, эгаізм

Чалавек адказвае Пану Богу


Быць чалавекам чыстага сэрца. Менавіта такое заданне сёння ставіць перад намі Хрыстус. Чалавек чыстага сэрца не кіруецца ў сваім жыцці злосцю, агрэсіяй, нянавісцю, якія часам узнікаюць у яго сэрцы, бо здольны бачыць у іншым чалавеку Бога. На гэтым шляху кожнага з нас могуць напаткаць шматлікія перашкоды. Але не будзем забывацца, што нас падтрымлівае Хрыстус ласкаю прабачэння ў сакрамэнце пакаяння, а ў сакрамэнце Эўхарыстыі Ён умацоўвае нас сваёю прысутнасцю. Той, хто мае чыстае сэрца, мае чыстыя вочы, чыстыя вусны і чыстыя рукі.

К. дае вучням заданне завяршыць наступныя сказы (падручнік вучня).
Чыстасць вачэй гэта …
Чыстасць вуснаў гэта …
Чыстасць рук гэта …

Разважанне:

Сэрца – гэта цэнтр, асяродак нашага духоўнага жыцця, каштоўнасцяў, якія мы носім у сабе. Хрыстус, умацоўваючы нас сваім Словам і Целам, дапамагае ачышчаць нашыя сэрцы, каб позіркі, думкі, жаданні былі чыстымі, напоўненнымі павагай і зычлівасцю.


— Як я адкажу Езусу на Яго заклік да чыстасці сэрца?

— Што я раблю каб захаваць сваё сэрца ў чысціні?

— Як часта я прыступаю да сакрамэнтаў пакаяння і Эўхарыстыі?

— Якіх я выбіраю сяброў?

— Якія тэлевізійныя перадачы я гляджу, якія кнігі, часопісы і газеты чытаю?

Пастанова.

Хатняе заданне:

1. Пастарайся штодня маліцца аб чысціні сэрца.

2. Паразважай, над чым табе трэба папрацаваць, каб стаць “чалавекам чыстага сэрца”.

Заключная малітва: спеў “О, мой Езу, ціхі і пакорны, сэрца мне зрабі да свайго падобным”.

Тэма № 25, X кл.



ШЧАСЛІВЫЯ МІРАТВОРЦЫ, БО ЯНЫ СЫНАМІ БОЖЫМІ

НАЗВАНЫЯ БУДУЦЬ
Дыдактычная мэта:

растлумачваем, што супакой – гэта Божы дар. Каб жыць у супакоі, трэба выхоўваць у сабе здольнасць прымаць іншага чалавека такім, якім ён ёсць.



Выхаваўчая мэта:

выхоўваем у моладзі здольнасць перамяняць сваё сэрца, кіруючыся пры гэтым справядлівасцю і прабачэннем.



Асноўныя і дапаможныя матэрыялы:

Святое Пісанне: Мц 5,9; Ян 14,27; 1 Тэс 5, 13 – 18; Ян Павел ІІ, Торунь, 7 чэрвеня 1999 г., Dietrich Bonhoeffer, плакат, на якім напісанныя словы благаславення, нажніцы, старыя часопісы, клей, 3 аркушы паперы для плакатаў.



Метады катэхэзы: незавершаны сказ, праца ў групах.

1   ...   10   11   12   13   14   15   16   17   18


База данных защищена авторским правом ©shkola.of.by 2016
звярнуцца да адміністрацыі

    Галоўная старонка