Ekspertongo Komiteto Šunipen e evropake forumosko pal e roma thaj phirutne evropako Forumo pal e Roma thaj Phirutne




Дата канвертавання25.04.2016
Памер8.99 Kb.
Evropaki Karta vaš Regionalno vaj Minoritatjenge Čhiba

Ekspertongo Komiteto
ŠUNIPEN E EVROPAKE FORUMOSKO PAL E ROMA THAJ PHIRUTNE

Evropako Forumo pal e Roma thaj Phirutne

Konsilo le Evropako, Strasburgo, 14 Nojemvri 2005


MIN-LANG (2005) 19



2-to Apendikso
POLITIKANO LIL PAL I ROMANI ČHIB

Oktomvri 2005
Si o dikhipen le ERTF-esko kaj:


  • I romani čhib trebal prinžardi sar čhib ande svako membro them, pal sar phenel pes ande Karta vaš Regionalno vaj Minoritatjenge Čhiba. Trebal te del pes lake jekh than ando nacionalno kurrikulumo thaj te del pes o bužeto kaj trebal;




  • Si i pakiv e Forumoski ke i Romani čhib trebal te ovel lan o statuso sar Evropaki čhib;




  • Kana na-i prinžardo ko internacionalno nivelo jekh “standardo dialekto” kado na-i jekh obstakolo anglal e thema te implementisaren e čačimata pal i čhib thaj pal lako siklipen. E roma thaj e phirutne, sar vi aver, si len čačimata pal i čhib save šaj thaj trebal te oven respektisarde;



  • E roma thaj e phirutne trebal te ovel len o šajpen te alosaren edukacija ande duj čhiba, te šaj sikljon vi ande nacionalno čhib thaj vi ande pengi čhib. Kado trebal te ovel o alosaripen le dadengo thaj le dajengo thaj na le školako vaj averengo;




  • O sikavipen e romane čhibako trebal te arakhel pes ande verver forme andar e čhave save den duma i čhib khere thaj vi andar e čhave kaj na žanen mišto i čhib;




  • O skopo te sikljol pes i romani čhib na-i samo te del pes šajpen jekhe studentoske te del duma mišto jekh dialekto, ta vi te xakjarel thaj te žanel pal i romani čhib vakjardi averendar ande savori Evropa. Kana jekh Standardo Dialekto na trebal, o khetano xakjaripen thaj e ‘čhibako pluralismo’ si but vašno;




  • Mangela pes te žas maj dur ando internacionalo networko vaš i produkcija e lilengi thaj sikavimaske materijalurja ande romani čhib, vi kana akceptuisarel pes ke i materialurengi kreacija si regionalno, nacionalno vaj lokalno. Si savore motivurja te anel pes paše maj but talenturja, eksperijenca thaj ekspertiza thaj te barjarel pes e resurse e romane čhibake ando internacionalo konteksto;




  • E sikljarnengo ( profesurjengo) trainingo si mišto te kerel pes na samo ko nacionalno nivelo thaj ovela but vašo, te organizuil pes traningurja vaš e sikljarne vi ke Evropako nivelo;




  • O siklipen si maj mišto te kerel pes ande forma e čhibaki savi o sikljovno – tikno vaj phuro – phenel ke si leski. Ama ande čhibako siklipen, kaj kerela pes maj dur, šaj thaj trebal the thol pes strategije te šaj informin e sikljovnen ( studenturen) pal e verver xramosarde forme e romane čhibake;




  • Jekh elektronično baza andar sikavimaske resurse šaj te del akceso e sikljarnenge ke jekh serija materialurjengi thaj te alosaren vaj te adaptisaren kodola kaj si lenge lačhe. Trebal te den pes fondurja ko ERTF te kerel pes jekh projekto kaj te putarel jekh kasavi elektronično but-dialektalno resursa vaš e edukatorurja;




  • But andar e skopurja xramosarde maj opre si gelde maj dur mišto ande buti e Evropake Konsiloski katar i ad-hoc grupa vaš o Kadro le Kurrikulumosko pal i Romani Čhib;







  • Kozom drom o akordo jekhe themesko si dikhlo katar i Karta, o sekretariato le Kartako trebal te konsultisarel o ERTF kana i populacija le romengi vaj le phirutnengi si prezento thaj kana si len vareso te phenen;




  • Si jekh phandipen maškar i protekcija e romane čhibaki thaj i integracija le romengi ande thema kaj živen. I protekcija thaj i promocija e romane čhibaki sikavel e romen thaj e gažen, save živen paše, ke le romen si len jekh than andi societeta;




  • O ERTF mangel katar e Kartako Komiteto Eksperturjengo te len jekh romano manuš sar permanento membro ando Komiteto, savo si les relevanto ekspertiza,.


База данных защищена авторским правом ©shkola.of.by 2016
звярнуцца да адміністрацыі

    Галоўная старонка