Аляксей Пысін.




Дата канвертавання08.05.2016
Памер8.89 Kb.
Аляксей Пысін. «Проня»

Трымалі чужынцы яе ў палоне:

Ты наша невекі, прызнайся нам, Проня!

– Я вольная рэчка на вольнай зямлі,

І чыстымі хвалі заўседы былі...

Прыгналі чужынцы і танкі, і коней,

Ваду ўсё муцілі ды кпілі над Проняй:

– Цяпер ты павінна згадзіцца сама,

Што чыстае плыні няма ўжо, няма!

– Няпраўда, ёсць многа крыніц пада мною

З празрыстай, чысцюткай, як слёзы, вадою.

Кідалі чужынцы на плёсы і тоні

І бомбы, і толу грымучага тоны;

Фантаны ўзляталі з пяском і жалезам

Над полем счарнелым, над лугам і лесам.

... Ішлі мы паходам на захад тады,

І Проня дала нам напіцца вады.

Была яна светлай да самага дна,



І сонца, і неба адбіла яна.


База данных защищена авторским правом ©shkola.of.by 2016
звярнуцца да адміністрацыі

    Галоўная старонка