Ах, якая над Гайнай купальская ноч! Самы раз бы шукаць кветку-папараць, Самы раз уплятаць летуценні ў вянок, Самы раз белы корань выкапываць




Дата канвертавання06.06.2016
Памер11.29 Kb.
Н. Гілевіч

* * *

Ах, якая над Гайнай купальская ноч! Самы раз бы шукаць кветку-папараць, Самы раз уплятаць летуценні ў вянок, Самы раз белы корань выкапываць!

Ды ні гуку над Гайнай — пад цёмным шатром. Толькі зоркі — як вочкі Купаліны. Дзе ж вы, хлопцы, дзяўчаты? Чаму за сялом, Над ракою, агні не запалены?

Раскладайце, паліце Купалля агні! Не затым, каб ускрэсла мінуўшчына, А каб лепей убачыць наступныя дні, Да вытокаў душой дакрануўшыся...

Раскладайце агні — хай плывуць па рацэ, Можа, ў зыркім святле іх вы ўгледзіце Постаць Янкі Купалы з кійком у руцэ — Запрасіце яго прысуседзіцца!

Ён вас, пэўна, папросіць «Каліну» спяваць I, напэўна, ад слёз не стрымаецца, Скажа: «Ах жа, якое купаллейка ў вас! Ах, якую вы спадчыну маеце!..»



1970

Н.Гілевіч

* * *

Паклон табе, мой беларускі краю! Ты — мой, я — твой: ад роду і навек. Я зноў і зноў да сэрца прыкладаю Твой ліст дубовы — як чароўны лек.

За хлеб, што ем, за песні, што спяваю, За шчасце звацца іменем тваім — Паклон, паклон табе, мой родны краю! Ты — мой, я — твой: усюды і ва ўсім!

1973

Н.Гілевіч



* * *

Святочны, старажытны дух калядны, Магічны дух язычніцкіх акрас, Смалення дух, дух кміну і каляндры, Дух на шасце падвешаных каўбас, Калісьці ўсемагутны, усеўладны, Што ж на куццю ты не збіраеш нас? О, Божа! Што ў душы маёй паселіцца? I з нашых хат, і з нашых песень-дум.



1974


База данных защищена авторским правом ©shkola.of.by 2016
звярнуцца да адміністрацыі

    Галоўная старонка